Volgens sers. Mmako Mophiring, polisiewoordvoerder, is sy deur die twee mans, wat klapmusse gedra het, verras toe sy by die huis aankom.
Sover vasgestel kon word, bly sy alleen op die plaas.
Hulle het haar by die huis ingedwing, haar hande met ’n kledingstuk agter haar rug vasgebind en ’n groot bedrag geld geëis.
Sy het nie soveel geld by haar gehad nie. Die rowers het die beskikbare geld en haar selfoon geneem.
Volgens Mophiring het hulle die vrou met ’n mes onder die knie en in die regterskouer gesteek, waarna hulle haar met ’n warm strykyster op haar bors gebrand het.
