’n Nekstut hou ’n maer en effens grys Joost se kop regop.
Mans met blink skoene en vroue in stywe rokke stap verby die twee mans en kameras op pad na die onthaallokaal. Dit is meestal vriende en familie, mense wat by die fliek betrokke was en die media. Een of twee bekendes. Enkele voormalige rugbyspelers woon die bekendstelling van die dokumentêre rolprent Glory Game: The Joost van der Westhuizen Story by Monte Casino in Fourways, Johannesburg, by.
’n Televisiejoernalis staan gebukkend langs Joost, die mikrofoon by sy mond, maar Pieter moet inluister sodat hy kan verduidelik wat Joost probeer sê.
Nog twee joernaliste kry ’n vinnige kans om vrae te vra. “Maar net twee vrae,” sê Pieter beleefd en baie geduldig. “En dan gaan ek vir Joost wegneem. Hy raak baie moeg,” verduidelik hy.
Nog twee joernaliste kry ’n vinnige kans om vrae te vra. “Maar net twee vrae,” sê Pieter beleefd en baie geduldig. “En dan gaan ek vir Joost wegneem. Hy raak baie moeg,” verduidelik hy.
