Die ongeluk het tussen 06:00 en 07:00 by die ingang na die plaas Appelsbos plaasgevind.
Volgens adudant offisier Alroy Windvogel, polisie mediabeampte van Heidelberg wat op die toneel was, het 'n vragmotor teen 'n bakkie van agter gebots toe dié vir aankomende verkeer gewag het om by die plaasingang in te draai.
"Op daardie oomblik het 'n minibus met 9 bewaarders daarin van die teenoorgestelde rigting gekom en het die twee voertuie ook gebots. Hulle was onderweg na die korrektiewe dienste op Buffeljagsrivier om vir diens aan te meld," verduidelik Windvogel.
7 van die bewaarders is op die toneel oorlede en twee is per ambulans na Riversdal Hospitaal vervoer, waar een van hulle ook aan sy beserings beswyk het.
