The New York Times het Sondag onthul Coca-Cola het verlede jaar $1,5 miljoen geskenk om die niewinsgewende organisasie Global Energy Balance Network (GEBN) op die been te bring.
Hy het ook sedert 2008 nagenoeg $4 miljoen vir die projekte van twee stigterlede, dr. Steven N. Blair en dr. Gregory A. Hand, verskaf.
Die GEBN volg ’n energiebalans-benadering tot die vetsugpandemie.
Prof. Tessa van der Merwe, ’n wêreldkenner op die gebied van vetsug, sê ’n mens kan nie elke dag ’n blikkie Coke drink en dink jy sal gesond wees nie.
Die gemiddelde Suid-Afrikaner drink volgens haar ongeveer 260 blikkies Coke per jaar. “Maar ’n mens kan nie net Coca-Cola blameer nie. Daar is suiker in mineraalwater, Energade en amper elke kossoort wat jy inneem.”
