SUID-KAAP NUUS - SWD het verlede Sondag met sewe paaltjies koning gekraai in die Krieket Suid-Afrika Provinsiale T20 wedstryd teen Boland.

SWD se kaptein, Ross McMillan, het die loot gewen en Boland ingestuur om te kolf.

SWD se boulers het suinig te werk gegaan en die Bolanders beperk tot `n skaflike totaal van 137/5 in hul toegelate boulbeurte.

SWD se openingskolwer, Waldo Lategan, het 33 lopies aangeteken om sy span `n wenkans te gee.

Die tuisspan se twee sterkolwers, Christiaan Jonker (44; 27 aflewerings, 4x6, 1x4) en Ross McMillan (39*; 37 aflewerings, 2x4) het daarna vasgeskop vir `n vennootskap van 66 lopies om die span na `n oorwinning te lei met slegs vyf balle oor.


Garry Hampson (afrigter), Christiaan Jonker, Waldo Lategan, Ross McMillan (kaptein), Siviwe Gidana, Gurshwin Rabie, Erinn Ewerts, Brendon Louw en Lyndon Volkwyn. Voor: Luthando Mnyanda, Louise Liebenberg (Fisioterapeut), Pieter Stuurman, Justin Jordaan, Jean Heunis en Sammy-Joe Avontuur. Foto: Jacques Swart

'Ons bring jou die nuutste Tuinroete, Klein-Karoo nuus'