SPORT NUUS - Dit raak maar bra moeilik om in een naweek oor die sewe uur opsy te sit om na regstreekse uitsendings van vyf rugbytoetse op televisie te kyk, selfs vir ongetroude manne.

Maar wanneer hoogtepunte van ál die wedstrydse Sondagaand uitgesaai word – 'n uur lank vir elke wedstryd – is daar darem uitkoms.

Die Springbokke se wedstryd Saterdag teen Skotland is bo-aan dié naweek se kykprogram. En as dit nie anders kan nie, kan die manne Sondag van vyfuur tot middernag na hoogtepunte kyk: Skotland teen Suid-Afrika, Engeland teen Australië, Italië teen Nieu-Seeland, Ierland teen Fidji, Frankryk teen Argentinië en weer die Skotte teen die Springbokke.

Baie sportliefhebbers sal juis dié naweek die rieme fyn moet sny, want SuperSport saai 'n hele stapel ander sport vir fynproewers uit.

Met Charl Schwartzel, Branden Grace en Martin Kaymer tussen die deelnemers, sal die SA Ope-gholftoernooi op die baan van die Serengeti-landgoed naby Johannesburg 'n skouspel wees.

Dit geld ook die Amerikaanse Grand Prix, die voorlaaste Formule 1-wedren van die jaar, wat in Austin, Texas, afgehandel word. En dan is daar Davisbeker-tennis in Praag, waar die Tsjeggiese Republiek en Spanje in die eindstryd speel.
Twee kriekettoetse word regstreeks uitgesaai: Indië teen Engeland in Ahmedabad beslis en Sri Lanka teen Nieu-Seeland in Galle.

SuperSport-hoogtepunte
(Alles regstreeks behalwe die tweede dag van die Davisbeker-tennis en rugbyhoogtepunte Sondag*)

Vrydag, 16 November

• Gholf: Hongkongse Ope, dag 2 – 07:00 tot 11:00 op SS 1
• SA Ope-kampioenskap, dag 2 – 13:30 tot 17:30 op SS 1
• Krieket: Indië t Engeland, eerste toets, dag 2 – 05:45 tot 13:30 op SS 2
• SA eendaagse reeks: Hoëveldse Leeus t Knights – 14:45 tot 23:00 op SS 2 en GDN
• Motorsport: Amerikaanse Grand Prix, oefening 1 – 16:50 op SS 5
• Amerikaanse Grand Prix, oefening 2 – 20:50 op SS 5
• Rugby: Wallis t Samoa – 21:15 op SS 1
• Tennis: Davisbeker-eindstryd, Praag: Tsjeggië t Spanje – 15:00 tot 22:00 op SS 6

Saterdag, 17 November

• Gholf: Hongkongse Ope, dag 3 – 07:00 tot 11:00 op SS 1
• SA Ope-kampioenskap, dag 3 – 12:00 tot 16:30 op SS 5
• Krieket: Indië t Engeland, eerste toets, dag 3 – 05:45 tot 13:30 op SS 1
• Sri Lanka t Nieu-Seeland, eerste toets, dag 1 – 06:15 tot 14:00 op SS 6
• Motorsport: Formule 1: Amerikaanse Grand Prix, oefening 3 – 16:45 op SS 2
• Amerikaanse Grand Prix, kwalifisering – 19:50 op SS 2
• Rugby: Skotland t Suid-Afrika – 15:30 op SS 1 en M-Net
• Ierland t Fidji – 19:15 op SS 1 en GDN
• Frankryk t Argentinië – 21:45 op SS 1 en GDN
• Engeland t Australië – 16:15 op SS 6
• Sokker: Telkom-uitklop, halfeind: SuperSport United t Mamelodi Sundowns – 19:30 op SS 4
• Tennis: * Davisbeker: Tsjeggië t Spanje, dag 2 – 20:30 tot 01:30 op SS 6 (vroeër gespeel)

Sondag, 18 November

• Boks: WBC-liggewigtitel: Adrian Broner t Antonio Demarco – 04:00 tot 08:00 op SS 2
• Gholf: Hongkongse Ope, dag 4 – 07:00 tot 11:00 op SS 1
• SA Ope-kampioenskap, dag 4 – 12:00 tot 16:30 op SS 1
• Krieket: Indië t Engeland, eerste toets, dag 4 – 05:45 tot 13:30 op SS 5
• Sri Lanka t Nieu-Seeland, eerste toets, dag 2 – 06:45 tot 14:00 op SS 6
• SA Eendaagse reeks: Kaapse Kobras t Knights – 09:45 tot 18:00 op SS 2
• Motorsport: Formule 1: Amerikaanse Grand Prix – 20:30 tot 23:30 op SS 2
• Rugby: * Hoogtepunte van Saterdag se vyf toetse – 17:00 tot 00:00 op SS 1
• Sokker: Telkom-uitklop, halfeind: Free State Stars t Bloemfontein Celtic – 14:30 op SS 4
• Tennis: Davisbeker-eindstryd: Tsjeggië t Spanje, dag 3 – 13:00 tot 18:00 op SS 7