Boodskap van die redakteur: Die Knysna-Plett Herald-span groet ‘n groot gees wat diep spore getrap het in die gemeenskap vir wie ons werk en ook in ons harte. Anoeschka von Meck se bedanking by hierdie koerant, lei tot die einde van 'n era.
Von Meck het vir vier jaar die lief en leed van hierdie gemeenskap beleef en oorgedra op ‘n deernisvolle wyse, met groot passie en verantwoordelikheid. Daar was nie ‘n storie te klein of te groot wat sy nie met oorgawe aangepak, ondersoek en met groot respek aangebied het nie. Haar narratiewe skryfstyl het lesers (en ons hier by die kantoor) laat lag of laat huil. Geen storie uit haar pen laat ‘n mens onaangeraak nie. Baie dankie vir jou harde werk en absolute verbintenis aan die koerant en hierdie gemeenskap.
Boodskap van Anoeschka von Meck: Dierbares en ander, neem asseblief kennis dat Woensdag, 17 Desember my laaste werksdag by Group Editors sal wees.
Ek wil almal hartlik bedank vir al die nuusbydraes, die middernagtelike oproepe, geheime boodskappe, kriptiese wenke, koffiedebatte, baie lag en onvergeetlike tye. Dankie dat julle jul storie met my gedeel het. Ek sal altyd met ‘n glimlag terugdink aan my tyd as verslagggewer in die Tuinroete waar ek na beraming met meer as 3 000 mense onderhoude gevoer het. Baie van hierdie stories het so ‘n impak op my gehad dat dit my ‘n leeftyd sal bybly. Mag u wonderlik geseën word en u toekoms vreesloos tegemoet gaan!
Message from the editor: The Knysna-Plett Herald is saying farewell to a great soul who leaves indelible footprints in the community we serve and also in our hearts. Anoeschka von Meck's resignation from this newspaper signifies the end of an era.
For four years, Von Meck wholeheartedly shared in and reported on the loves and losses of this community, always with great compassion and integrity. There was no story too big or too small - she tackled and researched all stories with the same passionate vigour and presented her articles respectfully. Her narrative writing style brought tears of laughter and joy to her readers (and us at the newspaper offices). No story penned by her left the reader untouched. Thank you for you hard work and unwavering commitment to this newspaper and this community.
Message from Anoeschka von Meck: Dear all, last day at Group Editors will be on Wednesday, December 17. Thank you for all your news contributions, the midnight phone calls, the cryptic messages, strange tip-offs, lunch dates, cappuccino debates and many, many laughs and incredibly memorable times. I will cherish the four years spent as a journalist on the Garden Route, having interviewed more than 3 000 individuals and carrying many stories with me for a life-time. May you be blessed and live your destiny with fearless abandon.
