SUID-KAAP NUUS - Die visse was maar traag met die bytslag met die Eden-hengelklub se eerste klubkompetisie verlede Saterdag by die Hartebeeskuildam by Hartenbos, maar al die hengelaars het darem iets in die nette gekry.
Een van die nuwe gesigte by die klub, Kallie Landsberg, het 'n mooi blou kurper van 0,45 kg geland - die eerste keer in 'n lang tyd dat so groot blou kurper uit dié dam gevang word. Dis ook 'n nuwe klubrekord.
Hein Binnedel het die dag gewen met 13 visse van altesame 22,170 kg. Robello Jardine was tweede met 10 vis van 15,96 kg en Jaco Nel in die derde plek met nege vis van 11,74 kg.
Nihan Binnedel het in sy pa se voetspore gevolg en die junior afdeling gewen met 6 vis van 6,00 kg. Sonja Beakes het die vroue-afdeling gewen met 6 vis van 8,995 kg, wat aan haar die algehele vyfde plek besorg het.
1. Hein Binnedel (13 vis van 22,17 kg).
2. Robello Jardine (10 vis van 15,96 kg).
3. Jaco Nel (9 vis van 11,4 kg).
4. Tony Jardine (8 vis van 11,305 kg).
5. Sonja Beakes (6 vis van 8,995 kg).
6. Dolf Delport (5 vis van 8,38 kg).
7. John-Louis van Zyl (8 vis van 5,285 kg).
8. Koos Groenewalt (5 vis van 7,38 kg).
9. Nihan Binnedel (5 vis van 6,005 kg).
10. Kallie Landsberg (5 vis van 4,38 kg).
Die volgende kompetisie is op 21 Februarie by Hartebeeskuil. Enige belangstellendes kan Koos Groenewalt by 083 991 4697 kontak.
Hein Binnedell (13 vis van 22,17 kg) was die wenner.
Nihan Binnedel het die junior afdeling gewen met vyf vis van 6,005 kg.
'Ons bring jou die nuutste Tuinroete, Klein-Karoo nuus'
