OUDTSHOORN NUUS - `n Groot eer vir Oudtshoorn en die SWD. Só het Hennie Baartman, president van SWD Arende, die o.16 Coca-Cola Grant Khomo-toernooi beskryf.
Die toernooi, een van die voorste jeug rugbytoernooie in die land, bied `n teelaarde vir jong en opkomende rugbytalent met groot getalle toeskouers vanoor die land wat ook die week op die dorp toegesak het.
Die toernooi se status is ook die week onderstreep deur die aantal hoëprofiel-amptenare van die Suid-Afrikaanse Rugbyunie wat hier besoek afgelê het.
Die eerste twee dae van kompetisie was maar straf vir SWD se rugbyspanne.
Op die eerste dag van die kompetisie het die SWD-span met 22-27 vasgeval teen die Pumas. Die SWD XV-tal het met 14-32 slae gekry teen Grens.
Dinsdag het dit geensins beter gegaan nie. SWD het met 39-10 teen die Blou Bulle verloor terwyl die SWD XV-tal nog `n groot loesing op die lyf geloop het, die keer met 29-5 teen Grie-kwas Landelik.
Na twee dae se strawwe rugby was KwaZulu-Natal, die Goue Leeus en die Limpopo Blou Bulle die beste spanne.
Uitslae - Dag 2:
- KwaZulu-Natal 19 WP 17
- Namibië 27 Griffons 17
- Goue Leeus 34 Boland 3
- OP 25 Valke 17
- Vrystaat 38 Pumas 10
- Limpopo Blou Bulle 38 Luiperds 19
- Zimbabwe 36 Grens Landelik 3
- Grens 31 Griekwas 31
Uitslae - Dag 1:
- Boland 69 Griffons 6
- Limpopo Blou Bulle 50 Griekwas 17
- KwaZulu-Natal 24 OP 11
- Luiperds 27 Grens Landelik 0
- Goue Leeus 40 Blou Bulle 19
- Valke 31 Namibië 27
- Griekwas 20 Zimbabwe 17
- WP 25 Vrystaat 24
Klik hier vir vorige artikels:
- Grant Khomo: Day 2 fixtures
- Grant Khomo-week begin vandag
- Sportfees 'n dawerende sukses
- Oudtshoorn ready for Grant Khomo-week
- u.16 Coca Cola Grant Khomo week 2015
ARTIKEL EN FOTO: JACQUES SWART, OUDTSHOORN COURANT - JOERNALIS.
'Ons bring jou die nuutste Oudtshoorn, Klein-Karoo nuus'
