PLETTENBERG BAY - Jaguars het hul 2026 Challenger Cup-veldtog op die beste moontlike manier afgeskop toe hulle All Blacks van Oudtshoorn verlede Saterdag met ’n oortuigende vertoning op Neverland-stadion in Kurland geklop het.
Die tuisspan het van die afskop af die pas aangegee en hul ondersteuners met aanvallende rugby vermaak.
Sterk spel deur die voorspelers het aan die span ’n stewige grondslag gegee, terwyl die agterlyn die geleenthede klinies benut het om die besoekers onder voortdurende druk te hou.
Die voorspelers was deurentyd dominant in die vaste fasette en by die afbreekpunte, wat verseker het dat die span meestal op die voorvoet kon speel.
Hul fisieke spel het die platform geskep waarvandaan die agterspelers hul aanvallende spel kon ontplooi.
Die tuisspan het altesaam vyf drieë gedruk.
‘We bring you the latest Garden Route, Hessequa, Karoo news’
