SUID-KAAP NUUS - 18 Rugbyspanne van die Hoër Landbouskool Oakdale het op 18 Junie na Stellenbosch vertrek vir deelname teen Paul Roos Gimnasium.
Afgesien van stormsterk winde op die pad, het die sportdag in gure weer plaasgevind. Spelers, afrigters en ouers het 'n papnat en koue sportdag ervaar. Die spanne van Paul Roos het deurgaans beter gebruik gemaak van die wind om die spanne in hul eie gebied vas te pen.
Afgesien van 'n moeilike vier weke waartydens Oakdale teen die sogenaamde 'groot' skole meegeding het, was dit uiters goeie kompetisie waartydens elke span se krag tot die uiterste getoets is. Dit bied ook aan al die rugbyspanne die geleentheid om saam met die A-spanne op Saterdae aan sportdae deel te neem.
O.14A: 10-16 (Paul Roos); o.14B: 8-10 (Paul Roos); o.14C: 0-8 (Paul Roos); o.14D: 10-19 (Paul Roos); o.14E: 15-19 (Paul Roos); o.15A: 12-20 (Paul Roos); o.15B: 6-33 (Paul Roos); o.15C: 0-29 (Paul Roos); o.15D: 0-41 (Paul Roos); o.16A: 7-61 (Paul Roos); o.16B: 17-7 (Oakdale); o.16C: 12-47 (Paul Roos); o.16D: 7-43 (Paul Roos); o.19A: (10) 10- (17) 27; o.19B: 7-20 (Paul Roos); o.19C: 23-25 (Paul Roos); o.19D: 13-26 (Paul Roos) en o.19E: 0-52 (Paul Roos).
* Oakdale o.19A-puntemakers: Drieë: Luke Hertz (12) en doelskoppe: Jay-Cee Nel (10).
Die volgende wedstryde word gedurende die derde kwartaal gespeel.
- 29 Julie - Oakdale teen Langenhoven Gimnasium (tuis)
- 5 Augustus - Oakdale teen Marlow (weg), televisie-uitsending
- 19 Augustus - Oakdale teen Framesby (tuis)
- 26 Augustus - Oakdale teen Boland Landbou (Interskole tuis), televisie-uitsending.
'Ons bring jou die nuutste Hessequa, Tuinroete, Klein Karoo nuus'
