OUDTSHOORN NUUS - Die Oudtshoorn-motorklub het Saterdag 23 Mei die vierde been van die SWD-ovaalbaankampioenskappe op die Arnold de Jager-ovaalbaan aangebied.

Altesaam 46 motors van die Oudtshoorn- en George-motorklubs het deelgeneem, met deelnemers wat oor agt verskillende klasse meegeding het. Sowat 500 toeskouers het die byeenkoms in die gebied bygewoon.

Volgens Dirk van der Westhuizen, voorsitter van Oudtshoorn-motorsport, was die wedrenne van die begin af uiters opwindend, aangesien jaers waardevolle punte vir die gesogte SWD-kampioenskapstitel probeer insamel het.

Die uitblinker van die dag was Hendricus Botha van Oudtshoorn-motorklub, wat met sy blitsvinnige Ford Fiesta as bestuurder van die byeenkoms aangewys is. Vian Verwey, ook van die Oudtshoorn-motorklub, het die trofee vir die bes voorbereide motor verower, terwyl Pieter la Grange van Wellington die slegte geluk-beker ontvang het nadat sy enjin in die eerste uitdun ingegee het.

Die uitslae is as volg:

RWD Legends

1. Gerrit du Plessis (Plettenbergbaai)
2. Zane Fourie (George)
3. Vian Verwey (Oudtshoorn)

Ninja Rods

1. Divan Meyer (George)
2. Ziaan du Plessis (Plettenbergbaai)
3. Troyden Maynard (Plettenbergbaai)

1600 Saloons

1. Jacques Snyman (Plettenbergbaai)
2. Lionel Treurnicht (Mosselbaai)
3. James Young (George)

1660’s

1. Hendricus Botha (Oudtshoorn)
2. Arno van Wyk (Oudtshoorn)
3. Izaan Keller (George)

2.1 Modifieds

1. Kobus Barnard (George)
2. Ruben Snyman (George)
3. Alistair Simpson (George)

Hotrods

1. Sydney van Rensburg (George)
2. Shaun Potgieter (Mosselbaai)
3. Nicky Koegelenberg (Riebeeck Wes)

Heavy Metals

1. Francois Smit (Worcester)
2. William Steyn (Mosselbaai)
3. Leno Muller (George)

American Saloons

1. Albert Olivier (Mosselbaai)
2. Lucius Fourie (Oudtshoorn)
3. Pieter Combrink (George)

‘Ons bring jou die nuutste Tuinroete, Hessequa, Karoo nuus’