SUID-KAAP NUUS - Elke jaar vereer die Departement van Kultuursake en Sport (DKS) in samewerking met die distrik-sportrade 35 legendes in sport wat oor jare ‘n werklike verskil in die sport en hulle gemeenskap gemaak het.
Daar is al heelwat sportlegendes in Eden (SWD) vereer is – sommige is nog met ons en sommige wat ons al verlaat het.
‘n Groot uitdaging lê daarin dat die bestuursrade van die sportfederasies baie verjong het en dat baie van die legendes nie aan hulle bekend is nie.
Dis is dáárom dat die Eden Sportraad graag die publiek se hulp wil inroep om hierdie legendes op te spoor.
Wie word deur die DKS en die Edend Sportraad legendaries beskou?
- Mense wat 'n beduidende bydrae tot sport gemaak het;
- Mense wat as ikine in hul gemeenskappe beskou word;
- Mense wat sonder trompetgeskal alles vir hulle sport gegee het;
- Mense wat 'n rol gespeel het om gestalte te gee aan sport voor 1992;
- Mense wat 'n leeftyd gewy het aan die algemene sportkode.
- Genomineerdes moet 55 jaar of ouer wees.
Die genomineerdes moet verkieslik afgetree wees, behalwe in uitsonderlike gevalle waar die kandidaat se kwalifikasies baie oortuigend is.
Eenmaal 'n legende, altyd 'n legende; legendes kan net een keer vereer word.
Alle sportsoorte asook die in die onderwys kan vanjaar genomineer word. Die sluitingsdatum is 29 Julie en alle nominasies moet deur die betrokke sportfederasies gemaak word. Hierdie nominasies sal ook oorweeg word vir die Eden Sporttoekennings in November vanjaar.
Enigiemand wat van so ‘n legende weet, word aangemoedig om kontak te maak met die Eden Sportraad by sportcouncil.eden@gmail.com, met die volgende inligting:
- Sportkode;
- Naam en van;
- Ouderdom;
- Woonadres;
- Tel/Selnommer;
- Eposadres;
- Kort beskrywing van die person se prestasies en betrokkenheid.
'Ons bring jou die nuutste Tuinroete, Klein-Karoo, Hessequa nuus'
