NASIONALE NUUS - Die Koksakkie virus is die menslike vorm van bek-en-klou by diere, en minstens een kleuterskool is reeds die week gesluit weens ‘n ernstige uitbreking op die dorp.
Die Een Treetjie Voor-speelgroep in Middelburg het ouers laat weet dat die skool die hele week gesluit is sodat die geboue, speelgoed, eetgerei, werksoppervlaktes en alles waaraan daar met kinderhandjies kon gevat wees, te ontsmet.
“Die primêre doel is om die kinders vir ‘n rukkie uit mekaar te hou, omdat die virus so aansteeklik is,” sê me. Anri Botha, hoof van Een Treetjie Voor.
Haar speelgroepie is klein en sy sê sy het die skool gesluit omdat die voorkoms van Koksakkie “gemiddeld te veel voorkom”.
Genadiglik is skoolgaande kinders nog nie getref nie, en kom die virus meer algemeen voor in kinders onder vyf jaar, hoewel volwassenes dit ook kan opdoen.
Volgens Laerskool Dennesig, C.R. Swart en Laerskool Middelburg, is nog nie ‘n enkele geval daar aangemeld nie, ook nie in die Graad R klassies nie.
“Die primêre doel is om die kinders vir ‘n rukkie uit mekaar te hou, omdat die virus so aansteeklik is,” sê me. Anri Botha, hoof van Een Treetjie Voor.
Haar speelgroepie is klein en sy sê sy het die skool gesluit omdat die voorkoms van Koksakkie “gemiddeld te veel voorkom”.
Genadiglik is skoolgaande kinders nog nie getref nie, en kom die virus meer algemeen voor in kinders onder vyf jaar, hoewel volwassenes dit ook kan opdoen.
Volgens Laerskool Dennesig, C.R. Swart en Laerskool Middelburg, is nog nie ‘n enkele geval daar aangemeld nie, ook nie in die Graad R klassies nie.
