Volgens die gesin van Zac de Lange gaan Silverton-polisie sy dood ondersoek nadat hy tydens ’n ‘Australiese voetbal’-wedstryd in Silverton beseer is.
Zac de Lange (33) het verlede Vrydag (18 September) saam met sy goeie vriend Jokkie van Vuuren in die wedstryd gespeel.
Die De Lange-gesin sê hulle is stukkend geskeur en smag na antwoorde wat lig sal werp waarom die pa van die huis gesterf het, na ’n laagvat-besering.
“Ek is laat weet dat ek moet kom speel. Zac het gesê hy wou baie graag speel, so toe reël ek dit,” sê Van Vuuren.
Binne 10 minute nadat die wedstryd begin het, is De lange met ’n laagvat hard teen die kop getref en beseer.
