MOTOR NUUS - Die bandevervaardiger Bridgestone het sy vyf beste bandwenke om bandeprobleme met die vakansie te voorkom.
Die goeie nuus is dat bande-ondersoeke maklik binne bereik van die gemiddelde motoris is.
Bande word met die verloop van tyd stelselmatig papper. As dit vir lang tye nie nagegaan word nie, kan hulle gevaarlik pap word, wat daartoe sal lei dat hulle baie warm word. Die bykomende hitte en meegaande wrywing wat in ’n papperige band opbou, kan uiteindelik daartoe lei dat dit meegee en bars. Dit verg baie energie om daardie soort hitte op te bou en bande wat nie styf genoeg gepomp is nie, kan brandstofverbruik ook skerp laat styg.
Bridgestone beveel aan dat banddruk elke twee weke nagegaan word wanneer hulle nog koud is om die beste bandleeftyd te kry. Dit sal ook 'n band opspoor wat dalk 'n stadige lek opgedoen het.
Maak seker daar is nog genoeg loopvlak oor. Die loopvlak (groewe) verplaas water op die pad. As dit te veel afgeloop is, kan die voertuig makliker bo-op water gly sonder dat die bestuurder beheer daaroor het. Kyk ook vir voorwerpe wat in die loopvlak vassit wanneer die loopvlak ondersoek word. Hoe gouer 'n mens dit sien, hoe gouer kan dit verwyder word en die band herstel word voordat dit verder beskadig word of 'n stadige lek ontwikkel.
Maak seker daar is nie snye of blase nie. Moenie vergeet om ook onder die motor te kyk na die sywande aan die ander nie - bande kan skade aan albei kante opdoen opdoen. Groot snye maak 'n band onwettig en gevaarlik. 'n Blaas in die wand is ’n ramp wat wag om te gebeur - dit gáán bars. Sulke beskadigde bande moet onmiddellik vervang word.
Dit kan vloeistof soos olie of pakolie van die wielnaaf, of selfs remvloeistof, inlaat. Buiten dat dit op veiligheidskritieke probleme dui, kan olie en pakolie die rubber beskadig.
Talle verskillende stelsels help om die beste uit bande te kry. Alles moet in goeie werkende toestand wees. Verweerde skokbrekers verminder padhouvermoë sommer baie en kan ook tot baie groter bandslytasie lei. Oneweredige wielsporing doen dieselfde en maak die voertuig moeilik om te bestuur.
Dié vyf eenvoudige wenke sal jou help om geld te bespaar en die gevaar te verminder dat bande jou in die steek laat.
'Ons bring jou die nuutste Tuinroete, Klein-Karoo, Hessequa nuus'
