KNYSNA NUUS - Te danke aan toegewyde samaritane, opregte gebede en onwrikbare vertroue in die Hope vir die Hulpelose-sopkombuis, het kinders, bejaardes en minderbevoorregtes ’n geseënde Kersfeespartytjie en jaarafsluitingsvieringe geniet.
Die feestelikhede het hoop, vreugde en dankbaarheid gebring aan almal wat dit bygewoon het, en het weer eens bewys dat gemeenskapsamewerking ’n kragtige verskil kan maak.
Die stigter van die liefdadige organisasie, Liezel Mathomane, het haar diepe dankbaarheid uitgespreek teenoor almal wat ’n bydrae gelewer het.
Sy het beklemtoon dat geen goeie daad ongesiens verbygaan nie en dat die sukses van die jaar slegs moontlik was danksy die borge en ondersteuners wat die organisasie deur die jaar – en oor baie jare – getrou bystaan.
“Ek wil vir elkeen wat hand bygesit en ’n bydrae gemaak het opreg dankie sê. Ek kon nie vir beter ondersteuning vra nie. Ons kon die jaar op ’n baie goeie wyse afsluit,” het sy gesê.
Die Hope vir die Hulpelose-sopkombuis bly ’n baken van hoop vir die gemeenskap en sien daarna uit om ook in die nuwe jaar voort te gaan om lewens aan te raak.
Kinders, bejaardes en minderbevoorregte inwoners van Dam-se-bos het Hope vir die Hulpelose Sopkombuis se krismis vieringe onlangs geniet.
Kinders was self handig met die uitdeel van kos emmers by die geleentheid.
‘Ons bring jou die nuutste Tuinroete, Hessequa, Karoo nuus’
