SUID-KAAP NUUS - Redakteurs van Group Editors se ses koerante sowel as die groep se operasionele direkteur, Nicole Rimbault en bemarkingsbestuurder, Servaas de Kock, was verlede week deel van s 180 konferensiegangers wat sessies oor die nuutste tendense in digitale media in Johannesburg bygewoon het.
Die twee-dag konferensie het op die snel-veranderende digitale platform van media gefokus. Gesprekke is onder andere gevoer oor die gebuik van sosiale media soos facebook, twitter en instagram en die wyse waarop dit in die nuuskantoor en vir bemarking gebruik kan word.
Alhoewel digitale media die onderwerp van die konferensie was, was die boodskap ook baie duidelik dat tradsionele gedrukte koerante nog vir baie jare met ons gaan wees en dat veral die behoefte aan gemeenskapskoerante steeds daar is.
Die konferensie is by die luukse Glenburn Lodge in Muldersdrif aangebied. Die redakteurs wat die konferensie bygewoon het was: Tanya Watson (Aanlyn subredakteur), Kristy Kolberg (Aanlyn subredakteur), Ilse Schoonraad (George Herald), Elaine King (Knysna-Plett Herald), Wilma Adamson (Suid-Kaap Forum), Suzetter Herrer (Mossel Bay Advertiser), Mariëtte Burger (Advertiser in Graaf Reinet) en Hannes Visser (Oudtshoorn Courant).
Vyf van die agt Group Editors redakteurs wat die konferensie bygewoon het. Van links is: Kristy Kolberg (aanlyn subredakteur), Suzette Herrer (Mossel Bay Advertiser), Elaine King (Knysna-Plett Herald), Hannes Visser (Oudtshoorn Courant) en Wilma Adamson (Suid-Kaap Forum) Die ander drie redakteurs, Ilse Schoonraad, Mariette Burger en Tanya Watson het voor die foto reeds vertrek.
'Ons bring jou die nuutste Tuinroete, Klein-Karoo, Hessequa nuus'
