NASIONALE NUUS - Oregan Hoskins, president van die Suid-Afrikaanse Rugbyunie (Saru), het die Oostelike Provinsie Rugbyunie (OPRU) Woensdag geprys nadat drie spelers van die Fort Beaufort Barbarians-rugbyklub lewenslank geskors is omdat hulle ’n skeidsregter fisiek aangerand het.
Edmund Gunn, Clayton Bantom en Hyron Burgess is deur ’n tugkomitee van die OPRU skuldig bevind dat hulle die skeidsregter Llewellyn Loots op 28 Februarie by ’n wedstryd in Bedford aangerand het.
Die Fort Beaufort Barbarians-rugbyklub se rugbyaktiwiteite is boonop vir die res van die jaar opgeskort.
Die klub is daaraan skuldig bevind dat hy die OPRU in die steek gelaat het deur nie die veiligheid van die wedstrydbeampte te verseker nie.
Die Fort Beaufort Barbarians-rugbyklub se rugbyaktiwiteite is boonop vir die res van die jaar opgeskort.
Die klub is daaraan skuldig bevind dat hy die OPRU in die steek gelaat het deur nie die veiligheid van die wedstrydbeampte te verseker nie.
