_34684.jpg)
SUID-KAAP NUUS - Die Eden-streek se toutrekspanne het hul oorwinning by die Wes-Kaap kampioenskappe opgevolg deur ook die nasionale premierliga en presidents- (ontwikkelingsliga) in te palm.
Toue het behoorlik gekraak by die Suid-Afrikaanse kampioenskappe, verlede naweek in die Strand. Die Eden-spanne, onder leiding van hul voorsitter, Barries Barnard en die Lourens-broers, Piet en Michael as afrigters, weet wat vasbyt verg.
Twee junior dames, Jolene Gous en Ronel de Wet, is gekies vir die Protea span wat in September aan die Junior Wêreldkampioenskappe in Noord Ierland deel sal neem.
Eden se medalje-oes:
600kg o.23: Goud en Silwer
540kg: Silwer
580kg: Goud
480kg o.23: Goud
720kg: Silwer en Brons
500kg o.23: Silwer
640kg: Goud en Brons
500kg: Silwer
Gemeng 600kg: Goud en Brons
Die span sien uit na hul volgende uitdaging wanneer Eden op 29 Augustus kragte sal meet teen die spanne van die Suid-Afrikaanse Polisie by die George skou. `n Ontwikkelingstoernooi, vir alle plaaswerkers, skole en nuwelinge in die sport, word ook in die vooruitsig gestel.
Vir enige navrae of meer inligting, kan Julene Serfontein geskakel word by 083 623 4034.
_75185.jpg)
Die 640kg-span, is agter van links: Coetzee Laubscher, Piet Lourens (afrigter) Stephanus Schoeman, Lukas Lubbe, Louhan van Zyl en EP Odendaal. Voor van links: James Jonker, Willem van Reenen en John Oosthuizen.
_54697.jpg)
Die 600kg Gemeng A en B span wat goud en brons ingepalm het, is van agter: Jacques Serfontein, John Vorster, James Jonker, John Oosthuizen, Coetzee Laubscher, Piet Lourens (afrigter), MC Willemse en Jandré Joubert. Middel: Jaydon Pieterse, Anja Dippenaar, Kittie Terblanche, Micheal Lourens (afrigter), Yolande Rabe, Danette Kapp, Anel-Mari du Toit Voor: Stephan Venter, Ronel de Wet, Willem van Reenen, Aalisah Stewart en Monzelle Klue. Foto's: Verskaf
'Ons bring jou die nuutste Tuinroete, Klein-Karoo, Hessequa nuus'
