|
|
|
|
'n Rosé van Stellerust Wynlandgoed, gemaak van Pinotage, Shiraz en Merlot wyne, is gekies as amptelike Olimpiese wyn en word nou voorgesit aan voorkeurgaste tydens die Olimpiese Spele.
|
NASIONALE NUUS - Suid-Afrika se grootste gesertifiseerde Fairtrade wynlandgoed, Stellenrust, se Chenin Blanc en 'n Rosé, gemaak van Pinotage, Shiraz en Merlot wyne, is gekies as amptelike Olimpiese wyn en word nou voorgesit aan voorkeurgaste tydens die Olimpiese Spele.
Hierdie keuse deur die Internasionale Olimpiese Komitee is 'n besondere eer vir Suid-Afrika en veral die Stellenrust wynlandgoed. Wyn, in 750ml en 180ml herwinbare PET botteltjies, word by alle eetplekke by die Olimpiese Spele in London te koop aangebied.
Die wyne vorm deel van die amptelike verskaffer, Bibendum, se aanbod.
Al die wyne is van die 2012 oesjaar.
Die rooiwyn, 'n Shiraz tempranillo, is van Brazilië, die gasheerland vir die volgende Spele.
Kirstie Papworth, die kommersiële direkteur van Bibendum, sê al die wyne is gekies met die voorkeurkoper van die spele voorop in gedagte. Sy beskryf die Rosé as ietwat soeter en vrugtiger, maar nie soet nie, en die Chenin Blanc as besonder vars.
WEN
Die Mossel Bay Advertiser het ses bottels van dié wyn om weg te gee.
Gaan vind 'n foto van die wyn op ons 'Mossel Bay Advertiser' Facebookblad, (https://www.facebook.com/#!/pages/Mossel-Bay-Advertiser/304612886231615) en skryf vir ons 'n boodskappie onder die foto (nerens anders!), met jou naam, van en kontaknommer.
Indien jy nog nie lid van ons blad is nie, soek net vir 'Mossel Bay Advertiser' in die soek-strokie op Facebook en sluit by ons aan!
|